झलनाथ खनालको प्रष्टीकरण : ‘माधव नेपाललाई कसैले राष्ट्रपतिको प्रस्ताव गरेको छैन’

काठमाडौं । नेकपा एकीकृत समाजवादीका नेता झलनाथ खनालले आफ्नो पार्टीलाई राष्ट्रपतिको प्रस्ताव नआएको बताएका छन् । बुधबार पार्टीको सचिवालय बैठकपछि सञ्चारकर्मीहरुसँग कुरा गर्दै खनालले पछिल्लो समय भएको भेटघाटबारे अध्यक्ष माधवकुमार नेपालले रिपोर्टिङ गरेको तर राष्ट्रपतिको प्रस्ताव आएको बारे केही नबोलेको बताएका हुन् ।

अहिलेसम्म पार्टीलाई राष्ट्रपतिको प्रस्ताव आएको भन्ने हल्ला त्यो हल्लामा मात्र समित भएका छन् । सोमबार नेकपा एमालेका अध्यक्ष केपी शर्मा ओलीले एकीकृत समाजवादीका अध्यक्ष नेपालबीच भेटवार्ता भएको थियो । सो भेटमा नेपाललाई ओलीले राष्ट्रपतिमा प्रस्ताव गरेको एमाले स्रोतले बताएको थियो ।

नेता खनालले राष्ट्रपति निर्वाचनमा आफूहरुको पनि सरोकार रहेको भन्दै यसबारेमा छलफल सुरु गर्ने बताएका छन् । राष्ट्रपतिमा सकेसम्म राष्ट्रिय सहमतिको पक्षमा उभिने उनको भनाई थियो ।