बैंक ठगका पछि नलाग्न नेता–कार्यकर्तालाई अध्यक्ष लिङ्देनको सुझाब

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले व्यवसायी दुर्गा प्रसाईंलाई ‘ठग’ को संज्ञा दिएका छन् । लाममा आयोजित कार्यक्रममा लिङ्देनले पाँच अर्बभन्दा बढी ऋण लिएर ब्याज र किस्ता नतिर्ने ‘बैंक ठग’का पछि नलाग्न आफ्ना नेता–कार्यकर्तालाई आग्रह गर्दै यस्तो बताएका हुन् ।

उनले भने, ‘पाँच अर्बभन्दा बेसी ऋण लिएर, व्याज नतिरेर, किस्ता नतिरेर अहिले ८ अर्ब पुग्न आँटेको छ । त्यो मान्छेले अब बैंकको व्याज नतिर्ने र ऋण नतिर्ने भन्दा ताली बजाउने ? अनि उसैले राजा ल्याइदिन्छ भनेर कुद्छन् ल, यस्तो पनि कार्यकर्ता, यस्तो पनि नेता भइन्छ रु यसरी पनि पार्टी चल्छ रु यसरी अघि बढिन्छ रु यति सामान्य कुरा त बुझ्नुपरो हाम्रो नेता कार्यकर्ताहरुले’

बैंक र वित्तिय संस्थाले गरेका कतिपय काम नाजायज पनि रहेको र यसबारे अहिले सरकारमा छलफल भइरहेको लिङदेनको भनाई थियो ।