भीम रावल भन्छन् : ‘राष्ट्रपतिको निर्वाचनमा विदेशीले भैलो खेलेका छन्’

सुर्खेत । नेकपा एमालेका नेता भीम रावलले देशको राष्ट्रपति जस्तो संविधानको संरक्षक नेपाली जनताको प्रतीक हुनुपर्ने पदलाई विदेशीले हस्तक्षेप गरेको आरोप लगाएका छन् । शुक्रबार सुर्खेत पुगेका सञ्चारकर्मीहरुसँग कुरा गर्दै नेता रावलले राष्ट्रपति को बन्ने कुरा बिदेशीहरुले नाम लिएको कुरा निन्दनीय भएका टिप्पणी गरेका हुन् ।

उनले भने, राष्ट्रपतिको निर्वाचनमा अहिले भएको गतिविधिले आम नागरिक पनि चकित पर्छन् होला । राष्ट्रपतिको बन्ने कुरा बिदेशीहरुले नाम लिएको समाचार माध्यममा सुने । यो र निन्दनीय रहेको छ ।’ अमुख विदेशीका राजदुतहरु नेताहरुको घर घरमा गएर भैलो खेलिरहेका उनले टिप्पणी गरेका छन् ।

विपरीत सिद्धान्त भएका राजनीतिक दलले देशलाई गन्तव्यमा पुर्‍याउन नसकिने उनले टिप्पणी गरेका छन् । आम निर्वाचनमा लोकप्रिय मतका लागि गठबन्धनका लागि गरियो यो कहिले टिक्दैन भनेर पहिले नै भनेको दाबी गरे ।