एमाले काठमाडौंका नेता पुण्यप्रसाद चौलागाई मृत फेला

काठमाडौं । नेकपा एमालेका नेता पुण्यप्रसाद चौलागाई मृत अवस्थामा फेला परेका छन् । शुक्रवार काठमाडौंको साँखुमा रहेको सलम्बुटारको जङ्गलमा झुन्डिएको अवस्थामा काठमाडौं जिल्ला सदस्य चौलागाई मृत अवस्थामा फेला परेका हुन् ।

प्रवक्ता सीताराम रिजालका अनुसार उनी साँखुमा झुण्डिएको अवस्थामा मृत भेटिएको छन् । साँखु, सलम्बुटारको जंगलमा घाँटीमा पासो लगाएर झुण्डिएको अवस्थामा भेटिएको प्रहरीले जनाएको छ । चौलागाईं मृत भेटिएपछि अहिले घटनास्थल मुचुल्काको काम भइरहेको प्रहरीले जनाएको छ । त्यसपछि अनुसन्धानको काम अघि बढ्ने बताइएको छ ।

उनी २०७४ सालमा भएको स्थानीय तहको निर्वाचनमा एमालेका तर्फबाट गोकर्णेश्वर नगर प्रमुखको उम्मेदवार बनेका थिए । सिन्धुपाल्चोकको भोटेचौर घर भएका उनी पछिल्लो समय काठमाडौंको गोकर्णेश्वर नगरपालिकामा बस्दै आएका थिए ।