अझै बुझाएनन् ११ सांसदले  ६० दिनभित्र बुझाउनुपर्ने सम्पत्ति विवरण 

काठमाडौं ।  प्रतिनिधि सभाका नवनिर्वाचित ११ सांसदले ६० दिनभित्र बुझाउनुपर्ने सम्पत्ति विवरण नबुझाएको  भेटिएको छ   । कुनै पनि व्यक्तिले सार्वजनिक पद धारणा गरेको ६० दिन भित्र आफ्नो सम्पत्ति विवरण  बुझाउनु पर्ने भए तापनि  ११ सांसदले सम्पत्ति विवरण  नबुझाएको भेटिएको हो । 

कांग्रेस, एमाले, माओवादी, एकीकृत समाजवादी तथा नेपाल समाजवादी पार्टीका ११ जना संसदले सम्पत्ति विवरण बुझाउनुपर्ने व्यवस्थाको उल्लङ्घन गरेका छन् । संसद् सचिवालयका अनुसार अहिलेसम्म सम्पत्ति विवरण नबुझाउनेमा कांग्रेसका सांसदहरूका उदय शमशेर जबरा, अजय कुमार चौरसिया, मोहन बस्नेत, मनोरमा शेरचन र निलम्बित सांसद टेकबहादुर गुरुङ , एमालेका फरार सांसद लक्ष्मी महतो कोइरी, राजकुमार गुप्ता, माओवादी केन्द्रका वर्षमान पुन, नेकपा ९एकीकृत समाजवादी पार्टी०का सांसद मेटमणि चौधरी, नेपाल समाजवादी पार्टीका सांसद महीन्द्र राय यादव, राप्रपाका सांसद पशुपति शमशेर जबरा रहेका छन् । 

सम्पत्ति विवरण नबुझाएका सांसदहरूले अब ५ हजार जरिवाना बुझाएर अझै १ महिनाभित्र सम्पत्ति विवरण बुझाउन सक्ने व्यवस्था रहेको छ ।