११ बुँदे माग गर्दै दुर्गा प्रसाईंद्वारा आन्दोलनको घोषणा, राजपरिवारका सदस्यलाई सहभागी हुन अनुरोध

काठमाडौं । व्यापारी दुर्गा प्रसाईँले राष्ट्र, राष्ट्रियता, धर्म–संस्कृति र नागरिक बचाउ महाभियानको नाममा आन्दोलन घोषणा गरेका छन् । मंगलबार प्रसाईँले पत्रकार सम्मेलन गरि पूर्वराजा ज्ञानेन्द्र शाहलाई अघि सार्दै १० बुँदे मागसहित आन्दोलन घोषणा गरेका हुन् ।

उनको महाअभियानमा संघीयता खारेज गर्नुपर्ने, हिन्दुराष्ट्र कायम गर्नुपर्ने, २०४७ को संविधान लागु गर्नुपर्ने जस्ता माग गरेका छन् । त्यसतै २० लाख भन्दा माथिको ऋण ४ देखि ५ प्रतिशत ब्याजदरमा दिनुपर्ने, निजामती कर्मचारीको तलब सुविधा १ लाख ५० हजार हुने ग्यारेन्टी गर्नुपर्ने, सर्वोच्चमा १०० जना न्यायाधीश थप गरेर सबै मुद्दाको छिनोफानो २ वर्षभित्र गर्नुपर्ने जस्ता माग पनि गरिएको छ ।

पुनः प्रजातन्त्र प्राप्तिका लागि आम नेपाली जनसमुदायलाई माया गर्दै पूर्वराजालगायत राजपरिवारका सदस्यलाई नागरिकको हैसियतमा यो आन्दोलनमा सहभागी हुन संविधानले कुनै अवरोध नभएको भन्दै प्रसाईँले आन्दोलनमा सहभागी हुन् अनुरोध गरेका छन् ।