एमालेलाई माधव नेपालको जबाफ : ‘राष्ट्रपतिमा सघाउन सक्दैनौँ’

काठमाडौं । राष्ट्रपतिमा एमालेका उम्मेदवार सुवास नेम्वाङलाई नेकपा एकीकृत समाजवादीले नसघाउने भएका छन् । नेकपा एसको पार्टी कार्यालयमा उम्मेदवार नेम्वाङलाई मत माग्न पुगेका एमाले नेताहरूलाई राष्ट्रपतिमा सघाउन नसक्ने जवाफ दिएको हुन् ।

सौहार्दपूर्ण वातावरण कुराकानी गर्ने आधार तयार गरेकोमा एमालेका नेताहरुलाई धन्यवाद दिदै फेरिपनि छलफल हुनसक्छ भन्ने जबाफ अध्यक्ष माधव नेपालले दिएको नेकपा एसका प्रवक्ता जगन्नाथ खतिवडाले जनाकारी दिएका छन् । राष्ट्रपति निर्वाचनमा रामचन्द्र पौडेलको प्रस्ताव रहेको पार्टी भएकाले सहयोग गर्ने परिस्थिति नरहेको जवाफ दिएको प्रवक्ता खतिवडाले बताए ।

राष्ट्रपतिमा एमालेका उम्मेदवार सुवास नेम्वाङलाई मत माग्न एमाले नेताहरू नेकपा एसको पार्टी कार्यालय आलोकनगरमा पुगेका थिए । राष्ट्रपति पदका उम्मेदवार समेत रहेका एमाले उपाध्यक्ष सुवास नेम्वाङ सँग उपाध्यक्ष विष्णु पौडेल र उपमहासचिव पृथ्वीसुब्बा गुरूङ पनि सँगै गएका थिए ।