कांग्रेस प्रवक्ता महतको दाबी : ‘पौडेलले जित्नेमा दईमत छैन्’

काठमाडौं । नेपाली कांग्रेसका प्रवक्ता प्रकाशशरण महतले कांग्रेसको तर्फबाट अगाडि सारेको राष्ट्रपतिको उम्मेवार रामचन्द्र पौडेल उपयुक्त पात्र भएको बताएका छन् । राष्ट्रपतिमा रामचन्द्र पौडेललाई समर्थन गर्ने ८ दलका सांसदलाई प्रशिक्षण कार्यक्रमलाई सम्बोधन गर्दै राष्ट्रपतिमा रामचन्द्र पौडेललाई १० दलको समर्थन रहने दाबी गर्दै यस्तो बताएका हुन् ।

उनले भने, ‘प्रधानमन्त्री पुष्पकमल दाहाल प्रचण्डजीले भनिसक्नुभयो ८ दल मात्रै होइन १० दल भइसक्या छ अझ ११ दलको समर्थन पुग्ने भरपुर स्थिति छ । संघमा नभए पनि प्रदेश सदस्यहरुको भूमिका हुन्छ । त्यसअर्थमा दश दल अर्को अर्को केन्द्रमा रहेका महत्वपूर्ण दलको सहयोग हुने अपेक्षा गरेका छौं ।’

महतले राष्ट्रपतिमा पौडेलले जित्नेमा दईमत नरहेको दाबी गरेका छन् । अभिमुखीकरण कार्यक्रममा उम्मेदवार पौडेलले संविधानको अक्षरशः पालना गर्नेकुरामा प्रतिबद्धता जनाएको बताए ।