‘मलाई ३६ हजार रुपैयाँ घरभाडा भनेर दिइएको छ, तर मैले ४४ हजार तिरिरहेको छु’ : उपसभामुख

काठमाडौं । उपसभामुख इन्दिरा रानाले आफूले राज्यबाट पाउनुपर्ने कतिपय सुविधा दिन आनाकानी भइरहेको बताएकी छन् । भ्रष्टाचारविरुद्ध सांसदहरुको विश्वव्यापी संगठन, नेपाल च्याप्टरले शुक्रबार काठमाडौंमा आयोजना गरेको कार्यक्रममा बोल्दै उनले राज्यले दिनुपर्ने सेवा, सुविधा नपाएको गुनासो गरेकी हुन् ।

उनले भनिन्न् , ‘सांसद हुँदा त मैले त्यति वास्ता गरिन । तर उपसभामुख भएको मेरो अहिले एक महिना भयो । मेरो अधिकार, काम, कर्तव्य खोज्दै गएँ । मेरो सुविधा पनि खोज्दै जाँदाखेरि थुप्रै सुविधाहरु रहेछ त्यो भ्रष्टाचार होइन र, कस्तो लाग्छ तपाईहरुलाई रु’ उपसभामुख रानाले प्रश्न गरिन् । यहाँ ठूलो जसको पहुँच छ, उसलाई तुरुन्त सबैथोक हुने । उपसभामुखलाई घर दिने रे भनिएको छ, दिइएको छैन । ३६ हजार निवास भाडा दिइएको छ । आफू ४४ हजार तिरेर बस्नु परेको छ ।’

पुरुषले महिलालाई र ठूलो पार्टीले सानो पार्टीलाई गर्ने व्यवहार अहिले पनि हेपाहा प्रवृत्तिको भएको उनको भनाइ छ ।