बाबुराम भट्टराई भन्छन्-‘प्रधानमन्त्री प्रचण्डलाई मुद्दा चलाउनु गम्भीर विषय हो’

काठमाडौं । नेपाल समाजवादी पार्टीका अध्यक्ष डा.बाबुराम भट्टराईले शान्ति सम्झौताको हस्ताक्षरकर्ता प्रधानमन्त्री प्रचण्डलाई मुद्दा चलाउने कुरा गम्भीर विषय भएको बताएका छन् ।

११३ औं अन्तर्राष्ट्रिय श्रमिक महिला दिवसको सन्दर्भमा समाजवादी महिला संघले मंगलबार काठमाडौंमा आयोजना गरेको अन्तर्क्रिया कार्यक्रमलाई सम्बोधन गर्दै भट्टराईले पछिल्लो समय बृहत् शान्ति सम्झौता मर्मबिपरितका कार्यहरू भएको भन्दै यस्तो बताएका हुन् ।

द्वन्द्वकालीन मुद्धाहरुलाई निरूपण गर्न विभिन्न आयोग बनेको अवस्थामा केही द्वन्द्वको खेती गर्ने र डलरबादीहरुले शान्ति प्रक्रियाका कामलाई पूर्णता नदिएको उनले बताएका छन् । भट्टराईले अहिले संविधानमा रहेका महिला, लगायतका जनताका अधिकारहरूलाई उल्टाउनका लागि गम्भीर प्रकृतिका षडयन्त्रहरू भइरहेको उनको भनाई छ ।