राष्ट्रपति निर्वाचनको तयारी पूरा, कांग्रेसबाट एक मत नखस्ने पक्का

काठमाडौं । राष्ट्रपति निर्वाचनको तयारी पूरा भएको छ । आयोगका अनुसार भोलि बिहान १० बजेदेखि दिउँसो ३ बजेसम्म मतदान समय तोकिएको छ । बानेश्वरस्थित संसद भवन परिसरमा दुई वटा मतदान केन्द्र बनाइएको छ । संघीय संसदका लागि एउटा र प्रदेशसभा सदस्यहरुलाई अर्को मतदान केन्द्र बनाइएको हो ।

राष्ट्रपति निर्वाचनमा प्रदेशका ५५० र संघीय संसद्का ३३२ गरी कुल ८८२ जना मतदाता रहेका छन् । राष्ट्रपति निर्वाचनमा नेपाली कांग्रेस बाट एक मत नखस्ने पक्का भएको छ । कांग्रेसका सांसद चन्द्र भण्डारी भारतमा उपचार गराइरहेका छन् । केही समय अघि आगलागीमा परेर उनको शरीरको भाग जलेको थियो । उनको हाल भारतको मुम्बईस्थित नेसनल बर्न्स सेन्टरमा उपचार भइरहेको छ ।

चन्द्र भण्डारी उपस्थित हुन नसक्दा कांग्रेसका ८७ जना प्रतिनिधिसभा सदस्यले मात्र मतदान प्रक्रियामा भाग लिने छन् ।राष्ट्रपतिका लागि नेपाली कांग्रेसका रामचन्द्र पौडेल र नेकपा एमालेका सुवास चन्द्र नेम्वाङ उम्मेदवार छन् ।