आरजु राणाको प्रतिबद्धता : ‘डिजिटल क्षेत्रमा महिलाको आवाज सुनिने गरी नीतिगत सुधारमा काम गर्ने छु’

काठमाडौं । नेपाली कांग्रेसकी नेता एवम् प्रतिनिधिसभा सदस्य अरजु राणा देउवाले महिलाहरूलाई नवीनतम् प्रविधिहरूमा समान पहुँच र अहिलेको डिजिटल क्रान्तिबाट लाभ उठाउन सक्षम बनाउन आवश्यक रहेको बताएकी छन् । ११३ औँ अन्तर्राष्ट्रिय महिला दिवसको सन्दर्भमा नेता राणाले विज्ञान र प्रविधिको विकासँगै भएको डिजिटल क्रान्तिबाट लाभ उठाउन सक्नुपर्ने बताएकी हुन् ।

उनले भनिन्न, ‘डिजिटल प्रविधिको पहुँच र प्रयोगमा पनि महिलाहरुको समान सहभागिता हुन जरुरी छ । किनकि यसले उनीहरूलाई आफ्नो आर्थिक उन्नति गर्न मद्दत गर्दछ । प्रविधिको पहुँचमा लैङ्गिक समानतालाई प्रवर्द्धन गर्ने र डिजिटल क्षेत्रमा महिलाको आवाज सुनिनेगरी नीतिगत सुधारमा काम गर्नेछु । म विशेषगरी ग्रामीण र सीमान्तकृत समुदायका महिलाहरुको प्रविधि(साक्षरता बढाउँदै सूचना प्रविधिको क्षेत्रमा उनीहरुको पहुँच पुर्‍याउने काम गर्ने छु ।’

उनले सयुक्त्त राष्ट्रसंघले तय गरेको यस वर्षको नाराले उनीहरुको प्रविधिमा पहुँच स्थापना गर्नु पर्ने सन्देश दिएको पनि बताएकी छन् ।