कांग्रेस र एमाले मिल्न सक्ने ओलीको अभिव्यक्तिमा  गगन थापाको जवाफ : ‘सबैलाई एक पटक झुकाउन सकिन्छ तर पटक–पटक सकिँदैन’  

काठमाडौं ।  नेपाली कांग्रेसका महामन्त्री गगन थापाले एमालेले धेरै पटक धेरैलाई झुक्काएको  बताएका छन् । नेकपा एमालेका अध्यक्ष केपी शर्मा ओलीले संसद भवन परिसरमा कांग्रेस–एमाले मिल्न सक्ने आशय व्यक्त गरेको सन्दर्भमा  थापाले सत्ता सहकार्यको तत्काल सम्भावना नरहेको र एमालेबाट झुक्याइएकाहरुको अनुभव साटासाट गरेर कांग्रेस, माओवादी केन्द्र लगायत दलले सरकारमा साझेदारी गरेको बताएका हुन् । 

एमालेले धेरै पटक धेरैलाई झुक्काएको भन्दै थापाले भने, ‘सबैलाई एक पटक झुकाउन सकिन्छ तर सबैलाई पटक–पटक झुकाउन सकिँदैन ।  नेकपा एमालेका अध्यक्ष केपी शर्मा ओलीले संसद भवन परिसरमा कांग्रेस–एमाले मिल्न सक्ने आशय व्यक्त गरेको सन्दर्भमा कांग्रेस महामन्त्री थापाले २०८४ सालसम्म त्यो सम्भव नभएको बताएका छन्   ।

संसद भवन परिसरमै पत्रकारहरुले महामन्त्री थापालाई पनि ओलीको अभिव्यक्ति अनुसार कांग्रेस–एमाले मिल्न सक्ने सम्भावनाबारे जिज्ञासा राखे । जवाफमा थापाले भने, ‘२०८४ मा त्यो सम्भावना हुनसक्छ । हामी बालकोट आउँछौं । प्रमुख प्रतिपक्षी दलको नेतालाई भेटघाट गर्छौं ।’ यस पटक भने त्यो सम्भावना नभएको थापाले बताए ।