सानिमा मिडिल तमोरको आइपिओ निष्कासन, कहिलेसम्म दिन पाइन्छ आवेदन ?

काठमाडौं । सानिमा मिडिल तमोर हाइड्रोपावर लिमिटेडले आइपीओ निष्कासन गरेको छ । कम्पनीले फागुन २६ गते शुक्रबारदेखि सर्वसाधारणका लागि प्रतिसेयर अंकित १०० रुपैयाँको दरले ४२ लाख ४८ हजार ९ सय ३८ कित्ता आइपीओ निष्कासन गरेको हो ।

यसअघि कम्पनीले आफ्नो जारी पुँजी ३ अर्ब ३३ करोड २४ लाखको ३३ लाख ३२ हजार ५ सय कित्ता सेयर आयोजना प्रभावित क्षेत्रका स्थानीय बासिन्दामा निष्कासन गरेको थियो । त्यस्तै, कम्पनीले ४ लाख ९९ हजार आठ सय ७५ कित्ता वैदेशिक रोजगारमा रहेका नेपालीका लागि तथा २ लाख ४९ हजार ९ सय ३७ कित्ता सेयर सामूहिक लगानी कोषलाई निष्कासन गरेको थियो । लगानीकर्ताले न्युनतम १० कित्तादेखि अधिकतम २० हजार कित्तासम्मका लागि फागुन ३० गतेसम्म आवेदन दिन सक्ने कम्पनीले जनाएको छ ।

सो आवधिमा मागबमोजिम आवेदन नपरेमा चैत १० गतेसम्म आवेदन दिन सकिने जनाईएको छ । कम्पनीको सेयर निष्कासन तथा बिक्री प्रबन्धक सानिमा क्यापिटल लिमिटेड रहेको छ । आइपिओ निष्कासनका लागि गरिएको रेटिङमा केयर रेटिङ नेपालले कम्पनीलाई ‘केयर एनपी डबल बी इस्युअर’ प्रमाणपत्र प्रदान गरेको छ ।