सकियो पहिलो महिला राष्ट्रपति भण्डारीको कार्यकाल, बूढानीलकण्ठस्थित निजी निवासमा सर्ने तयारीमा

काठमाडौं । वर्तमान राष्ट्रपति विद्यादेवी भण्डारीको कार्यकालको समय आजबाट सकिने छ । २०७२ कात्तिक ११ गते राष्ट्रपति पदमा पहिलोपटक निर्वाचित भएकी भण्डारीको आजबाट कार्यकालको सकिएको हो ।

नेपालको पहिलो महिला राष्ट्रपति भनेर चिनिने भण्डारी २०७२ कात्तिक ११ गते राष्ट्रपति पदमा पहिलोपटक निर्वाचित भएकी थिइन् । त्यसपछि दोस्रो कार्यकालका लागि २०७४ साल फागुन २९ गते उनी निर्वाचित भइन् । विद्यादेवी भण्डारीले ७ वर्ष राष्ट्रपतिका रूपमा व्यतीत गरिन् । उनले २९ गते शितलनिवास छोडेर निजि निवास सर्ने तयारी रहेको जनाइएको छ ।

नयाँ राष्ट्रपतिमा नेपाली कांग्रेसका उम्मेदवार रामचन्द्र पौडेल फागुन २५ गते निर्वाचित भइसकेका छन् । त्यसैले भण्डारीले शीतलनिवास छाड्नुपर्ने भएको हो । उनी शीतलनिवासबाट बूढानीलकण्ठ-२ चपलीस्थित निजी निवासमा सर्ने उनको सचिवालयले जनाएको छ । २९ गते निजी निवासमा सर्ने तयारीमा छिन् ।

नयाँ राष्ट्रपतिमा निर्वाचित रामचन्द्र पौडेलको शपथ ग्रहण समारोह सोमबार फागुन २९ गते हुँदैछ । प्रधानन्यायाधीश पद हाल रिक्त रहेकाले कायममुकायम प्रधानन्यायाधीश हरिकृष्ण कार्कीले पौडेललाई शपथ खुवाउनेछन् ।