अस्ट्रेलियाको एडिलेडमा नेपाल महोत्सव हुने, पर्यटन प्रवर्द्धनमा सघाउ पुग्ने अपेक्षा

काठमाडौं । अस्ट्रेलियाको एडिलेड सहरमा नेपाल महोत्सव हुने भएको छ ।  गैर आवासीय नेपाली संघ एनआरएनए साउथ अस्ट्रेलिया राज्य समितिको आयोजनामा नेपालको पर्यटन प्रवर्द्धन गर्न उद्देश्यसहित १८ मार्च  ४ चैत मा महोत्सव हुने भएको हो । 

अस्ट्रेलिया उपाध्यक्ष तथा साउथ अस्ट्रेलिया राज्य समिति संयोजक रेनुका लामाका अनुसार  महोत्सवमा १० वटा ठुला स्टल सहित ४० बटा स्टल रहने  छन् । मुख्य आकर्षणका रूपमा नेपालको विविधता झल्कने नेपाल हाउसको निर्माण गरिने भएको छ । जसमा नेपालका परम्परागत ढिकी जाँतो, भेषभुषा, हिमाल दृश्य समेटिएका फोटोहरु, त्यसै गरी धरहरा, पशुपति, स्वयंम्बु समेत राखिने भएको छ । 

  महोत्सवमा प्रिमियर पिटर मालिनौस्कस, पर्यटन तथा बहुसांस्कृतिक मन्त्री जोबेटीशन, माथिल्लो सदन लेजेस्लेटिभ काउन्सिलको विपक्षी दलको उपनेता जिङ ली, संसद सदस्यहरु, विभिन्न नगरका मेयरहरुको उपस्थिति रहने संयोजक  रेनुका लामाले जनाकारी दिए । महोत्सवका लागि अस्ट्रेलियन डलर एक लाखदेखि एक लाख २० हजारसम्म खर्च हुने अनुमान गरिएको छ ।