सरकारको निर्णयले कृषकलाई आहत पुगेको भीम रावलको भनाई, भन्छन्-‘सरकार जनताको होइन ?’

नेकपा एमालेका नेता भीम रावलले सरकार जनताको होइन भन्ने प्रश्न गरेका छन् । मंगलबार नेता भीम रावलले सामाजीक सञ्जाल ट्टिटरमा सरकारले रासायनिक मलमा दिने अनुदान कटौती गरेकोप्रति टिप्पणी गर्दै यस्तो प्रश्न गरेका हुन् ।

सरकारको निर्णयले कृषकलाई आहत पुगेको उनले बताएका छन् । पूँजीवादी भनिने देशहरूले पनि कृषिलाई संरक्षण गरेको उनको भनाई थियो । उनले ट्टिटरमा लेखेका छन्, ‘पूँजीवादी भनिने देशहरूले पनि कृषिलाई संरक्षण गरेको देखिन्छ । नेपाल सरकारले मलमा दिने अनुदान कटौती गर्ने, भारतीय फलफुल तरकारीमा विषादी परीक्षण नगर्ने र नेपाली किसानको तरकारी, माछा र केराले बजार नपाउने, चिया, अलैची र अदुवा निर्वाध भारत निर्यात गर्न नपाइने के नीति हो ? सरकार जनताको होइन ?’

सरकारले मलको अनुदान घटाएपछि कृषकले यसअघि खरिद गर्दै आएको मूल्य पनि बढ्ने भएको छ ।