‘नेपाल र चीनबीचको द्विपक्षीय व्यापारमा सुधार गर्नुपर्छ’ : प्रधानमन्त्री दाहाल

काठमाडौं । प्रधानमन्त्री पुष्पकमल दाहाल प्रचण्डले नीतिहरूमा सुधार गर्दै वैदेशिक लगानीका लागि प्रोत्साहन, प्रवर्द्धन र सुरक्षा गरिरहेको बताएका छन् । मंगलबार काठमाडौंमा आयोजित नेपाल(चीन लगानी तथा व्यापार मञ्चले आयोजना गरेको एक कार्यक्रममा प्रधानमन्त्री दाहालले नेपालले विदेशी लगानीकर्तालाई प्रेरित, प्रवर्द्धन र सुरक्षा गरेको बताएका हुन् ।

उनले भने, ‘नेपालले व्यापार र लगानीमैत्री नीति बनाइरहेको छ । हामीले हाम्रा नीतिहरूमा सुधार गर्दै वैदेशिक लगानीका लागि प्रोत्साहन, प्रवर्द्धन र सुरक्षा गरिरहेका छौँ ।’ चिनियाँ उद्यमीहरूलाई नेपालमा लगानी गर्न समेत आग्रह गरेको बताएका छन् । उनले नेपाल र चीनबीचको द्विपक्षीय व्यापारमा पनि केही सुधार गर्नुपर्ने बताएका छन् । उनले स्वदेशी र विदेशी लगानीकर्तामा कुनै पनि विभेद नगरिने पनि प्रतिबद्धता जनाए ।

चीनसँग देखिएको व्यापार घाटा घटाउने पनि सरकारको चुनौती रहेको प्रधानमन्त्री दाहालले बताए । आर्थिक वर्ष ०७८र७९ मा नेपालले चीनबाट २ खर्ब ३२ अर्बबराबरको सामान आयात गर्दा जम्मा ६७ करोड रुपैयाँबराबरको मात्र सामान पठाउन सकिएको उनको भनाइ थियो । प्रधानमन्त्री दाहालले पूर्वाधार विकासका लागि नेपाललाई ठूलो लगानी र नयाँ नयाँ प्रविधिको आवश्यक्ता रहेको उल्लेख गरे । उनले चीन सरकारले नयाँ प्रविधि र ठूलो लगानी भित्र्याउन सहयोग गर्ने बताए ।