सञ्चारमन्त्री शर्मा भन्छिन् : ‘सूचना प्रविधि क्षेत्रमा अनुसन्धानलाई जोड दिनुपर्छ’

काठमाडौं । सञ्चार तथा सूचना प्रविधिमन्त्री रेखा शर्माले अनुसन्धानमार्फत नयाँ प्रविधि पत्ता लगाउन, नयाँ अवसर पहिचान गर्न र जटिल समस्या समाधान गर्न जोड दिनुपर्ने बताएकी छन् । काठमाडौंमा सुरु भएको एशिया(प्यासिफिक एडभान्स नेटवर्क ९एपान०को ५५ औं अन्तर्राष्ट्रिय सम्मेलन उद्घाटन गर्दैं उनले सूचना प्रविधि अत्यन्तै सम्भावना बोकेको क्षेत्र भएकाले सो कुरालाई जोड् दिनुपर्ने बताएका हुन् ।

उनले भने, ‘हामीले अनुसन्धानमा लगानी बढाउनुपर्ने आवश्यकता झन बढ्दै गएको छ । यसका लागि नेपाल सरकार सबै क्षेत्रसँग सहकार्य गर्न तयार छ । हामी बर्षेनी हजारौको संख्यामा सूचना प्रविधिका दक्ष जनशक्ति उत्पादन गर्न सक्ने क्षमतामा पुगेका छौँ । तसर्थ नेपालमा रोजगारीका अवसर सिर्जना गर्दै बिदेशका कामसमेत नेपालमा आउटसोर्स गर्न सके यसले नेपालको अर्थतन्त्रमा टेवा पुर्याउने छ ।’

सूचना प्रविधि अत्यन्तै सम्भावना बोकेको क्षेत्र भएकाले नेपालले यसबाट उच्चतम लाभ लिनसक्नुपर्ने उनले बताइन ।