डीडीसीले बढायो दूधको मूल्य, प्रतिलिटर कति ?

काठमाडौं । दुग्ध विकास संस्थान डीडीसीले दूधको मूल्यमा वृद्धि गरेको छ । सरकारी स्वामित्वमा रहेको डीडीसीले बिहीबारदेखि लागू हुने गरी सबै ४ प्रकारको दूधको मूल्यमा ११ देखी १६ रुपैयाँसम्म बढाएको हो ।

मन्त्रिपरिषद्ले निर्णय अनुसार वृद्धि भएको मूल्यमा संस्थानले किसानबाट दूध खरिद गरिसकेको छ भने बिहीबारबाट उपभोक्ताले नयाँ मूल्यमा दूध खरिद गर्नुृपर्ने संस्थाले बताएको छ । अब स्टान्डर्ड दूध निलो प्याकेटको मूल्य प्रतिलिटर ११ रुपैयाँ बढेर ९७ रुपैयाँ पुगेको छ । यसअघि सो दूधको मूल्य प्रतिलिटर ८६ रुपैयाँ थियो ।

त्यस्तै, गाईको दूधको मूल्य प्रतिलिटर १४ रुपैयाँ बढाएर उपभोक्तालाई प्रतिलिटर ११६ रुपैयाँमा बिक्री गर्ने छ भने चिया दूधको मूल्य प्रतिलिटर १० रुपैयाँ बढेर ९० रुपैयाँमा अब उपभोक्ताले खरिद गर्नुपर्नेछ ।