मतदान स्थलबाट अष्टलक्ष्मी शाक्यको दावी- ‘जित्नेमा ढुक्क छु’

काठमाडौं । नेकपा एमालेको तर्फबाट उपराष्ट्रपति पदकी उम्मेदवार अष्टलक्ष्मी शाक्य उपराष्ट्रपति निर्वाचन आफ्नो अनुकूल हुने देखेको बताएकी छन् । संसद भवनमा जारी मतदान प्रक्रियाको क्रममा सञ्चारकर्मीहरुसँग कुरा गर्दै उनले अहिलेको माहोल देख्दा खेरी सबैको प्रतिक्रिया सुन्दा आफ्नो जित ढुक्क रहेको बताएकी हुन् ।

उनले भनिन्, ‘अहिलेको माहोल देख्दाखेरी सबैको प्रतिक्रिया सुन्दा म ढुक्क छु । अहिले दल–दल एकातिर बसेपनि संविधान विपरित पुरुष उम्मेदवार बनाउनै नहुँने हो । संविधानको भावना अनुसार आपत्तिजनक छ । स्वस्थ अस्वस्थ, मर्यादित, अमर्यादित अनेकौं चलखेल हुन्छ । त्यसमा हामी श्रेष्ठता कायम गर्नेछौं । राष्ट्रपतिमा अनुकूल भएन, बरु यो अनुकूल देख्दैछु ।’

राजनीति हिबासले उपराष्ट्रपतिमा भूमिका नभएपनि सामाजिक रुपान्तरणमा लाग्न सक्ने उनको बुझाइ छ । संविधानमा राष्ट्रपति र उपराष्ट्रपति फरक लिंग वा समुदायको हुनुपर्ने लेखिए पनि उपराष्ट्रपति महिला नै हुनुपर्ने उनले बताइन् ।