बुढीनन्दा क्याम्पसमा अनेरास्ववियु र गठबन्धनका विद्यार्थीबीच झडप

कैलाली । बाजुराको बुढीनन्दा क्याम्पसमा स्ववियु निर्वाचनको मतदान चलिरहँदा नेकपा एमालेनिकट अनेरास्ववियु र नेपाली कांग्रेस, नेकपा माओवादी केन्द्र निकट वाम लोकतान्त्रिक गठबन्धनका विद्यार्थीहरूबीच झडप भएको छ । जिल्ला प्रहरी कार्यालय बाजुराका प्रहरी नायव उपरीक्षक कवीन्द्रसिंह बोहराका अनुसार मतदानको क्रममा विद्यार्थी संगठनका नेताबीच झडप भएको हो ।

मतदानको क्रममा दुई पक्षबीच झडपको स्थिति सिर्जना भएपछि प्रहरीले भिड नियन्त्रण गर्नका लागि अश्रुग्यास र हवाई फायर गरेको डीएसपी बोहोराले नेपाल लाइभलाई जानकारी दिए । बोहोराले अहिले स्थिति नियन्त्रणमा आइसकेको जानकारी दिए। दुवै पक्षको सहमतिपछि अहिले शान्तिपूर्ण तरिकाले मतदान सुरु भएको जानकारी दिए ।

मतदान सुरु भएलगत्तै विवाद भएकोमा समस्या हल गरेर मतदान सुचारु गरिएको थियो ।