तरुण दलद्धारा पूर्व केन्द्रीय महासचिव पालुङवाको उपचारमा आर्थिक सहयोग

काठमाडौं । काठमाडौंको महाराजगञ्जस्थित त्रिवि शिक्षण टिचिङ अस्पतालमा उपचाररत नेपाल तरुणदलका पूर्व केन्द्रीय महासचिव एवं युवा नेता पदम पालुङवाको उपचारका लागि नेपाल तरुण दलले आर्थिक सहयोग गरेको छ । तरुण दल केन्द्रीय अध्यक्ष विद्वान गुरुङ नेतृत्वको टोलीले अस्पतालमा पुगेर आर्थिक सहयोग गरेको हो ।

विगत लामो समयदेखी अस्पताल भर्ना भई उपचार गराइरहेका नेता पालुङवाको शीघ्र स्वाथ्य लाभको कामना गर्दै अस्पतालमा पुगेर १ लाख ३० हजार रुपैयाँ आर्थिक सहयोग गरेको बताइएको छ ।

सहयोग कार्यक्रममा नेपाल तरुण दल केन्द्रीय मुख्य सचिव ठान प्रसाद पोखरेल, तरुण दल सोलुखुम्बु अध्यक्ष अशोक झा, तरुण दल सिन्धुपाल्चो अध्यक्ष सन्जय लामा, तरुण दल नुवाकोट अध्यक्ष सिंहराज तामाङ, तरुण दल काभ्रे अध्यक्ष सुजन लामा लगायत तरुण महाधिवेशन प्रतिनिधिहरु तथा तरुण नेताहरु सहभागी भएका थिए ।