मुख्यमन्त्रीसहित केन्द्रमा तीन मन्त्रालय दिन प्रचण्डसँग माधव नेपालको माग

काठमाडौं । नेकपा एकीकृत समाजवादिका अध्यक्ष माधवकुमार नेपालले संघमा तीन मन्त्रालय र प्रदेशमा मुख्यमन्त्रीको माग गरेका छन् । सत्तारुढ १० दलीय गठबन्धनबाट सरकारमा सहभागिताको छलफल चलिरहेका बेला अध्यक्ष नेपालले प्रधानमन्त्री पुष्पकमल दाहाल ‘प्रचण्ड’ सँग भेटर संघमा तीन मन्त्रालय र प्रदेशमा मुख्यमन्त्रीको माग गरेका हुन् ।

बिहिबार प्रधानमन्त्री निवास बालुवाटारमा दुई नेताबीच भएको भेटमा मन्त्रिपरिषदलाई पूर्णता दिने र प्रदेश सरकारहरूबाट एमालेलाई हटाउने छलफल भएको थियो । १० दलीय गठबन्धनबाट भने नेकपा एसलाई २ मन्त्रालय दिने तयारी छ ।

केपी ओलीले राष्ट्रपति अफर गर्दा पनि छाडेको र उपराष्ट्रपतिमा पनि दाबी नगरेको भन्दै अध्यक्ष नेपालले गठबन्धनमा तीन ठूला दल कांग्रेस, माओवादी र जसपाले क्रमशः राष्ट्रपति, प्रधानमन्त्री र उपराष्ट्रपति पाएकाले अब रोज्ने पालो चौथो दलको रहेको बताएका छन् ।