‘एमालेलाई एक्लाउन दशवटा टाउको लागि परेको छ’ : अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले एमालेलाई एक्लाउनका लागि बाह्य शक्ति लागि परेको बताएका छन् । मिसन ग्रासरुट अन्तर्गत झापाको कार्यक्रमलाई सम्बोधन गर्दै उनले एमालेलाई एक्लाउन बाह्य शक्तिहरुले दशवटा टाउको जोडिदिएको बताएका हुन् ।

उनले अहिले दश दलीय गठबन्धनलाई लार्भाको संज्ञा दिने देश खान लागिपरेको बताए । प्रदेशसभामा चार भोटबाहेक सबैको सर्वसम्मतिले प्रदेशको नाम कोशी राख्न सफल भएको बताए । एमालेबाटै चोइटिएको कांग्रेसको पछाडि लाग्ने पार्टीले कोशी प्रदेशको विरोध गरेको बताए ।

उनले भने, हामी कोशी प्रदेशको सरकार टिकाउँछौं । टिकाउछौं भन्ने मुख्य कुरा चाहिँ राप्रपा हो । हामीसँग ४० सीट छ । राप्रपासँग ६ सीट छ । अब एउटा खोज्नुपर्ने छ । किनभने हामीलाई राप्रपाले साथ दिन्छ भन्ने आधारमा । उनले कोशी प्रदेश सरकार जोगाउने बताएका छन् ।