पत्रकारको प्रश्नमा अध्यक्ष नेपालले भने : ‘कहिले पनि गृह र अर्थ मन्त्रालयमा हाम्रो दाबी थिएन’

काठमाडौं । नेकपा एकीकृत समाजवादीका अध्यक्ष माधवकुमार नेपालले गृह र अर्थमन्त्रालयमा कहिले पनि दाबी नगरेको बताएका छन् । एकीकृत समाजवादीले गृह मन्त्रालयमा दाबी गरेको हो रु भन्ने पत्रकारको प्रश्नमा अध्यक्ष नेपालले यस्तो बताएका हुन् ।

पत्रकारको प्रश्नमा उनले भने, ‘तपाईंहरू अन्तरयामी हुनुभयो कि क्या हो रु मेरो मुखबाट त कहिले पनि गृह पनि अर्थ पनि निस्केको छैन ।’ उनले देशको अर्थतन्त्रका समस्याहरूलाई समाधान गर्न सक्नेलाई अर्थ मन्त्रालय दिनुपर्ने पनि बताए । प्रधानमन्त्री पुष्पकमल दाहाल प्रचण्डले सबै पार्टीसँग छलफल गरेपछि मात्रै मन्त्रिपरिषद बिस्तार हुने उनले बताए ।

अध्यक्ष नेपालले परराष्ट्र मन्त्रालय पनि काबिल व्यक्तिलाई दिनुपर्ने बताएका छन् । उनले सत्ता गठबन्धनबाट सरकारका न्यूनतम कार्यक्रम बनाउने काम भइरहेको र त्यसमा हस्ताक्षर भएपछि सरकारमा सहभागी हुने बताएका छन् । प्रतिनिधि सभामा एकीकृत समाजवादीको १० सांसद छ ।