‘मन्त्री बन्दिनँ भन्ने पुरानै वचनमा कायम छु तर पार्टीले पठाए जानुपर्छ’ : उपसभापति खड्का

काठमाडौं । नेपाली कांग्रेसका उपसभापति पूर्णबहादुर खड्काले कांग्रेसबाट आफ्नो नेतृत्वमा सरकारमा जाने भनेर कुनै निर्णय नभएको बताएका छन् । प्रतिनिधिसभाको आइतबारको बैठकपछि सञ्चारकर्मीसँग कुरा गर्दै उपसभापति खड्काले कांग्रेसबाट कसले नेतृत्व गर्ने भन्ने अहिलेसम्म कुनै निर्णय नभएको बताएका हुन् ।

उनले भने, अहिलेसम्म कुनै निर्णय भएको छैन । सञ्चारमाध्यमले लेख्ने र बोल्ने कुरा त्यो तपाईंहरुको कुरा अधिकारको कुरा भयो । सबै छलफल भइरहेको छ । कांग्रेसबाट कसले नेतृत्व गर्ने भन्ने अहिलेसम्म कुनै निर्णय भएको छैन ।’ उनले गठबन्धनमा मन्त्रिपरिषद् विस्तारको बिषयलाई कुनै विवाद नरहेको समेत बताएका छन् ।

कांग्रेसका उपसभापति खड्काले आफू मन्त्री नबन्ने भन्ने पूरानै वचनमा कायम रहेको बताएका छन् । उनले आफू मन्त्री बन्दिनँ भन्ने ७ वर्ष पुरानो वचनमा अडिग रहेको बताएका हुन् ।