सुकुम्बासीले गरे मेयर बालेन विरुद्ध प्रर्दशन, उठिबास लगाउने कामको नेतृत्व साहले लिएको आरोप

काठमाडौं । सुकुम्बासीद्धारा काठमाडौं महानगरपालिकाका मेयर बालेन साह विरुद्ध प्रर्दशन भएको छ । संविधान र कानुन विपरीत उठिबास लगाउने कामको नेतृत्व मेयर साहले नै लिएको भन्दै सुकुम्बासीहरुले प्रदर्शन गरेका हुन् ।

नयाँ बानेश्वरदेखि माइतीघर मण्डलासम्म र्‍यालीसहितको विरोध प्रर्दशन गरेका छन् । महानगरले नदी किनार, नदी उकास तथा नदी बहाव क्षेत्रमा बनेका अनधिकृत संरचना सात दिनभित्र हटाउन निर्देशन दिएपछि सुकुम्बासीले मेयर साहविरुद्ध प्रदर्शन गरका हुन् ।

संविधान, कानुनविपरीत भूमिहीनहरुलाई जग्गाधनी पुर्जा दिनुको साटो मेयर साहले उठिबास लगाउने प्रयास गरिरहेको भन्दै कडा आन्दोलनमा जाने चेतावनीसमेत दिएका छन् । विरोध प्रर्दशनमा पक्राउ परेका भूमि अभियन्ताहरुलाई निःशर्त रिहा गर्नुपर्ने, उनीहरुमाथि लगाइएको सबै मुद्दा खारेज गर्नुपर्ने मागसमेत मोर्चाको छ ।