कांग्रेस नेताहरुद्धारा दिवंगत रुङ्गटाको १३ औं पुण्य तिथिमा श्रद्धाञ्जली 

वीरगन्ज । नेपाली कांग्रेसका नेता तथा संविधानसभा सदस्य अनिल रुङ्गटाको पिता समाजसेवी ओम प्राकश रुङटाको  १३औं पुण्य तिथिको अवसरमा सोमबार  श्रद्धाञ्जली सभा सम्पन भएको छ । सो श्रद्धाञ्जली समारोहमा नेताहरुले  दिवंगत  रुङ्गटाको स्मृतिमा आयोजना गरेको श्रद्धाञ्जली सभामा सहभागिहरले दिवंगत  रुङ्गटाको आत्माको चिर शान्तिको कामना गर्दै शोकसन्तव्य परिवारजनमा धैर्यधारण गर्ने शक्ति प्राप्तिको कामना गरेका थिए ।  

उक्त कार्यक्रममा कांग्रेसका उपसभापति पुर्ण बहादुर खडकाको प्रमुख आतिथ्यता रहेको थियो भने विशेष आतिथ्यतामा ज्ञानेन्द्र कार्की, उमेश श्रेष्ठ र इन्द्र बहादुर बानियाँ लगायतको सहभागिता रहेको थियो ।  रुङ्गटाको  निधनका कारण कांग्रेसले अभिभावक गुमाउनुका साथै देशले एक कुसल  सामाजिक व्यक्तित्व गुमाएको उपस्थित नेताहरुले बताएका थिए । जिल्लामा पार्टी निर्माणमा महत्त्वपूर्ण भूमिकाका साथै सङ्गठन विस्तार सहित सामाजिक क्षेत्रमा पुर्याएको अमूल्य योगदानको पार्टीले संधैभीर स्मरण गर्ने नेताहरुको भनाई थियो । सो क्रममा दिवंगत रुङ्गटाको तस्बिरमा माल्यार्पण गर्दै उपस्थित व्यक्तित्वहरुले श्रद्धाञ्जली अर्पण गरेका थिए । 

वीरगन्ज उद्योग वाणिज्य संघका पूर्व अध्यक्ष समेत रहेका  समाजसेवी  ओम प्रकाश रुङ्गटाको उपचारको क्रममा चैत्र १ गते निधन भएको थियो । संविधानसभा सदस्य अनिल रुङ्गटा, सुनिल रुङ्गटा र अनुज रुङ्गटाका पिता हुन् । विभिन्न संस्थामा संलग्न रहेका रुङ्गटा राजनीतिक सँगै सामाजिक कार्यमा समेत क्रियाशील  मानिन्थे ।