सत्ता गठबन्धनको बैठक दिउँसो तीन बजे बस्ने गरी स्थगित, सहमति जुटाएर आजै नयाँ मन्त्रीहरूको शपथग्रहण गराउने तयारी

काठमाडौं । प्रधानमन्त्री निवास बालुवाटारमा बसेको सत्ता गठबन्धनको बैठक दिउँसो तीन बजे बस्ने गरी स्थगित भएको छ । मन्त्रालय भागबन्डामा सहमति जुटाएर आजै मन्त्रीहरूको शपथग्रहण गराउने गरी छलफल भइरहेको दश दलीय गठबन्धनको बैठक तीन बजे बस्ने स्थगित भएको हो ।

आज न्यूनतम साझा कार्यक्रमलाई अन्तिम रूप दिएर मन्त्रालय भागबन्डामा पनि सहमति जुटाएर आजै मन्त्रीहरूको शपथग्रहण गराउने गरी छलफल भइरहेको थियो तर केहि समयको लागि बैठक स्थगित भएको एक नेताले बताए ।

ती नेताले भने, ‘हिजो टुंगो लगाउने भनिएता कुरा मिल्न सकेको थिएन । सकेसम्म मिलाएर आजै मन्त्रीहरूको शपथ ग्रहण गराउने गरी छलफल भइरहेको छ । अहिले बैठक केही बेर स्थगित भएको छ । आजै दिउँसो तीन बजे फेरि बस्ने गरी बैठक रोकिएको हो ।’

हिजोको बैठकमा मन्त्रालय बाँडफाँटबारे छलफल भएपनि दलहरुले धेरै मन्त्रालय मागेपछि सहमति बन्न सकेको थिए ।