फिल्म तथा बहुभाषिक म्युजिक भिडियो अवार्ड हुने, भिडियोहरुको प्रवद्र्धन गर्ने उद्देश्य

काठमाडौं । फिल्म तथा बहुभाषिक म्युजिक भिडियो अवार्ड २०२३ हुने भएको छ । केटिएम अनलाईन टेलिभिजन तथा सांगेन कम्पनी लिमिटेडका अध्यक्ष दिपजोन गुरुङको संयुक्त आयोजनामा सो अवार्ड हुने भएको हो ।

अवार्डमा नेपाली चलचित्र तथा बहुभाषिक म्युजिक भिडियोअन्तर्गत बहुविधामा पुरस्कार दिने, अग्रज कलाकारलाई सम्मान गर्ने र नेपाली चलचित्र तथा बहुभाषिक म्युजिक भिडियोको प्रवद्र्धन गर्ने उद्देश्यले हुन लागेको आयोजकले जानकारी गराएको छ । नेपाली चलचित्र तथा बहुभाषिक म्युजिक भिडियोको अवलोकन पश्चात छनौट भएका कलाकारलाई टोकयो जापानमा पुरस्कृत गरिने बताइएको छ ।

उक्त कार्यक्रममा अग्रज कलाकारलाई सम्मान गरिनुका साथै नेपाली तथा जापानी लोक संस्कृतिसम्बन्धी सांस्कृतिक कार्यक्रम हुने आयोजकको भनाइ छ । नेपाल तथा जापानको संयुक्त संस्कृतिक कार्यक्रमको प्रस्तुतिसहित २०८० वैशाख ३० गते तदनुसार १३ मई २०२३ का दिन जापानमा कार्यक्रम हुने बताइएको छ ।