रेडक्रसको विवाद समाधान गरेर समाज सेवामा क्रियाशील हुन सभामुखको आग्रह

काठमाडौं । सभामुख देवराज घिमिरे र अन्तर्राष्ट्रिय रेडक्रस प्रतिनिधि क्रिष्टिना कुम्पुला नेतृत्वको प्रतिनिधिमण्डलबीच भेटवार्ता भएको भएको छ । नेपालको विवाद समाधानका लागि काठमाडौं आएकी कुम्पुला नेतृत्वको प्रतिनिधिमण्डलबीच बुधबार भेटवार्ता भएको हो ।

भेटवार्तामा सभामुख घिमिरेले नेपाल रेडक्रस सोसाइटीको विवाद समाधान गरेर समाजसेवामा क्रियाशील हुन आग्रह गरेका छन् । सभामुख घिमिरेले रेडक्रसको केन्द्र र कतिपय जिल्लाहरूमा समयमा निर्वाचन नभएको बताउँदै अन्तर्राष्ट्रियरूपमा नै ख्याति कमाएको संस्था अपारदर्शीताबाट टाढै बस्नुपर्नेमा जोड दिएका थिएका थिए ।

अन्तर्राष्ट्रिय रेडक्रसकी नेपाल प्रतिनिधि क्रिष्टिना कुम्पुलाले रेडक्रस ऐनबारे जिज्ञासा राखेकी थिइन् । आफू नेपाल आउनुको उद्देश्य पनि यहाँको विवाद समाधान नै रहेको बताउँदै उनले जवाफदेहिता र पारदर्शीतामा सम्झौता नहुने प्रष्ट्याइन् । सभामुख घिमिरेले रेडक्रस सञ्चालनका लागि ऐन आवश्यक भए सरकारसँग छलफल गर्न आग्रह समेत गरेका छन् ।