गाउँमै मुटुको निःशुल्क उपचार गराउन पाउँदा स्थानीय हर्षित

गुल्मी । गुल्मीको मालिका गाउँपालिकाले जनतालाई घरदैलोमै सेवा पुर्याउन निःशुल्क स्वास्थ्य शिविर सम्पन्न गरेको छ । पालिकाले नेपाल हृदय रोग प्रस्तिठान, नेपाल नेत्र ज्योति सङ्घ, रोटरी क्लबको सहकार्य र गौतम बुद्ध सामुदायिक मुटु अस्पताल बुटवलको प्राविधिक सहयोगमा एक दिने मुटु सम्बन्धी निःशुल्क स्वास्थ्य शिविर गरेको हो । 

शिविर बाट गुल्मी पश्चिम क्षेत्रका चार स्थानीय तह, मालिका, धुर्कोट, मादने र इस्मा गाउँपालिकाका एक हजार तीन सय ३४ जना बिरामीले स्वास्थ्य परीक्षण गरेका छन् । जसमा तीन सय १७ जनाको मुटुको इ.को जाँच, पाँच सय ९२ जनाको ईसिजि जाँच, एक सय ६७ जनाको रगत परीक्षण, ५९ जनाको पि।एफ टि जाँच र सय जनाको कोल्ड स्टोर जाँच गरिएको छ ।  यसरी आफ्नै गाउँ ठाउँमा विशेषज्ञ डाक्टर बाट संवेदनशील अङ्ग मुटुको स्वास्थ्य जाँच गराउन पाउँदा स्थानीय हर्षित भएका छन् । स्वास्थ्य शिविरले समय र पैसाको बचत भएको उनीहरू उनीहरू बत्ताउँछन् । आगामी दिनमा थप बृहत् तरिकाले अन्य शिविरको आयोजना गर्नुपर्ने स्थानीयले माग समेत गरेका छन् । 

भौगिलक रूपमा अत्यन्त विकट मानिने मालिका गाउँपालिकाका जनताको अस्पताल सँग सहज पहुँच नभएका कारण गाउँपालिकाले समय समयमा विभिन्न प्रकारकाका शिविरको आयोजना गर्दै आएको छ । जसले गर्दा मालिका गाउँपालिका सँगै छिमेकी स्थानीय तहका नागरिकले समेत स्वास्थ्य सेवा लिने अवसर पाइरहेका छन् ।