खल्तीले ल्यायो आइफोन १४ जित्ने मौकासहितको नयाँ अफर !

काठमाडौं । खल्तीले बम्पर पुरस्कारसहितको नयाँ अफर ल्याएको छ । खल्ती मार्फत आफ्नो वर्ल्डलिंक इन्टरनेट बिल भुक्तानी गर्ने प्रयोगकर्ताहरुले भ्याट फिर्ता र नियमित क्यासब्याकको अतिरिक्त बम्पर पुरस्कारको रूपमा आइफोन १४ र हरेक हप्ता स्मार्टब्याण्ड जित्ने मौका ल्याएको हो ।

नयाँ अफरले आफ्ना प्रयोगकर्ताहरूलाई आफ्नो बिल भुक्तानी झन्झटमुक्त गर्दै आकर्षक पुरस्कार जित्ने अवसर प्रदान गर्ने उद्देश्य लिएको जनाएको छ । साथै यस अफरले वल्र्डलिङ्कका प्रयोगकर्ताहरूलाई खल्तीसँग सहज भुक्तानी गर्ने बानी बसाल्न पनि प्रोत्साहित गर्ने भएको हो । अफरमा सहभागी हुन वर्ल्डलिंकका प्रयोगकर्ताहरूले खल्ती मार्फत आफ्नो इन्टरनेट बिल भुक्तानी गर्नुपर्ने हुन्छ ।

६ हप्ताको प्रवर्द्धन अवधिमा खल्ती मार्फत गरिने हरेक वर्ल्डलिंक भुक्तानी प्रयोगकर्ताले लक्की ड्रमा स्वतः प्रवेश गर्ने छन् । आइफोन १४ को बम्पर पुरस्कार घोषणा अन्त्यमा प्रदान गरिनेछ भने हरेक हप्ता एकजना भाग्यशाली बिजेताले स्मार्टब्यान्ड प्राप्त गर्ने कम्पनीले जनाएको छ ।