४ डीआईजीलाई एआईजीमा बढुवा गर्ने सरकारको निर्णय

काठमाडौं । सरकारले नेपाल प्रहरीका चार प्रहरी नायव महानिरीक्षक डीआईजीलाई अतिरिक्त प्रहरी महानिरीक्षक एआईजीमा बढुवा गर्ने निर्णय गरेको छ । शुक्रबार बसेको मन्त्रिपरिषद्को बैठकले बढुवा समितिले सिफारिस गरेका ४ जनालाई अतिरिक्त प्रहरी महानिरीक्षकमा बढुवा गर्ने निर्णय गरेको हो ।

बैठकले गरेको सिफारिस अनुसार डीआईजीहरु सन्दीप भण्डारी, सुदीप गिरी, मीरा चौधरी र टेकबहादुर तामाङ एआईजीमा बढुवा गरेको ती मन्त्रीले जानकारी दिए । चैत १३ गते चारै जना डीआइजीलाई एआईजीमा बढ्वा गर्न समितिले मन्त्रिपरिषदमा सिफारिस गरेको थियो ।

यही १३ चैतमा गृह मन्त्रालयको बढुवा समितिको सचिवालयले उनीहरुलाई एआईजीमा बढुवाका लागि सिफारिस गरेको थियो । यसअघि गत १४ असारमा डीआईजीमा बढुवा हुँदाको वरीयताअनुसार नै एआईजी बढुवा सिफारिस गरिएको थियो । असारमा १७ जना एकसाथ डीआईजीमा बढुवा भएका थिए ।