शेखरको स्वर्णिम लक्षित टिप्पणी : ‘अवसरवादीहरुबाट सावधान हुनुहोस्’

काठमाडौं । नेपाली कांग्रेसका नेता डा. शेखर कोइरालाले अर्थतन्त्र कस्तो हुने बताउन नसके पनि पाकिस्तान र श्रीलंकाको अवस्था नेपालमा आउने अवस्था नभएको बताएका छन् । शुक्रबार सार्वजनिक सेवा कर्मचारी संघको सातौं महाधिवेशनको सम्बोधनमा उनले श्रीलंकामा विदेशी मुद्राको सञ्चितीका कारण आर्थिक संकट आएको भन्दै यस्तो दाबि गरेका हुन् ।

कांग्रेसमा संस्थापइतरमा रहेका अर्थविद् डा. स्वर्णिम वाग्ले पार्टी परित्याग गरेपछि शेखरले उनी लक्षित टिप्पणी गरेका छन् । सांसद कोइरालाले अवसरवादीहरुबाट जोगिन सबैलाई आग्रह गरेका छन् । उनले आफू अवसरवादीबाट सावधान भइसकेको र सबै मानिसहरु सावधान हुनुपर्ने बताएका छन् ।

उनले भने, ‘सावधान है एउटा कुरा, अवसरवादीहरुबाट जोगिनुहोला । अवसरवादीहरुबाट सावधान हुनुहोस्, म त सावधान भइसकेँ । तपाईहरु पनि सवधान हुनुस्, मैले भन्ने यति हो ।’ नेता कोइरालाले नेपाल सार्वजनिक सेवा कर्मचारी संघको राष्ट्रिय महाधिवेशन सफल रुपमा सम्पन्न गर्नपनि शुभकामना व्यक्त गरे ।