अध्यक्ष नेपालको आरोप : ‘एमाले संसद विघटन गरी मध्यावधी चुनावमा जाने दाउमा छ’

काठमाडौं । नेपाल कम्युनिष्ट पार्टी एकीकृत समाजबादीका अध्यक्ष माधवकुमार नेपालले मन र विचार मिल्नेहरुसँग वहस र छलफल गर्न तयार रहेपनि नेकपा एमालेका अध्यक्ष केपी शर्मा ओलीसँग भने एकताको सम्भावना नरहेको बताएका छन् । बुधवार सुनसरीको इनरुवामा सञ्चारकर्मीहरुसँगको भेटमा नेता नेपालले संसद विघटनको दाउमा रहेको एमालेसँग आफुहरु मिल्न नसक्ने बताएका हुन् ।

उनले भने, ‘एमाले भित्र अब अहिले प्रतिनिधि सभालाई फेरि पनि विघटन गर्न सकिने हुन्छ । विघटन गर्न सकिन्छ । मध्यावधीको अवस्थामा जान सकिन्छ भन्ने सोच हामीले सुनेका छौं । त्यो बाटोमा त हामी जान सक्दैनौं । संविधान मिच्ने कुरालाई हामी समर्थन गर्न सक्दैनौं ।’

एमाले संसद विघटनको दाउमा रहेको अध्यक्ष नेपालको आरोप थियो । एमाले संसद विघटन गरी मध्यावधी चुनावमा जाने दाउमा रहेको आरोप लगाएका हुन् । अध्यक्ष नेपालले एमालेको सोचलाई पूरा हुन नदिने बताएका छन् । उनले संविधान मिच्ने कुरालाई आफूले समर्थन गर्न नसक्ने बताएका हुन् ।