सरकारलाई ज्ञानेन्द्र शाहीको आग्रह : ‘बैंकमा पैसा राखेर जनतालाई अलमल पार्ने काम नगरियोस्’

काठमाडौं । राष्ट्रिय प्रजातन्त्र पार्टी राप्रपाका सचेतक तथा प्रवक्ता ज्ञानेन्द्र शाहीले सरकारी पैसा ढुकुटीमा राखेर विकास निर्माणका काम ठप्प पारिएको बताएका छन् । बुधबार प्रतिनिधि सभाको बैठकमा सचेतक शाहीले बैंकमा पैसा राखेर जनतालाई अलमल पार्ने काम नगर्ने चेतवनी दिएका हुन् ।

उनले भने, ‘बैंकमा पैसा राखेर जनतालाई अलमल पार्ने काम नगरियोस्। कर्मचारीले तलब खान पाएका छैनन् । निर्माण व्यवसायीले पैसा पाएका छैनन् । संघीय नियमावली अनुसार ७ दिनभित्र मन्त्रीबाट जवाफ चाहिन्छ, नत्र हामी संसदमा खडा हुन्छौं । सरकारले अहिलेसम्म चालू खर्च ५१ दशमलब ४६ प्रतिशत, पूँजीगत खर्च २२ दशमलब १५ र व्यवस्थापन खर्च ३७ दशमलब ४१ प्रतिशत मात्रै गरेको छ । भयभएरको असारमा मात्रै खर्च गर्ने, सरकारले अझै ७८ प्रतिशत पूँजिगत खर्च गर्न बाँकी छ । भएभरको पैसा बैंकमा राख्ने र ब्याज खाने ? यसले गर्दा वास्तविक मिटरब्याजी कोही छ भने सरकार हो ।’

वास्तविक मिटरब्याज सरकार भएको सचेतक शाहीको टिप्पणी थियो । सरकारले भएभरको पैसा बैंकमा राखेर ब्याज खाएको आरोप समेत लगाएका हुन् ।