लामो समयको प्रतिक्षापछि सन्दीपले दिलाए नेपाललाई दोस्रो सफलता

काठमाडौं । एसीसी प्रिमियर कपको पहिलो खेलमा मलेसियाविरुद्ध नेपालले दोस्रो सफलता प्राप्त गरेको छ । लामो समयको प्रतिक्षापछि नेपालका लागि स्पिनर सन्दीप लामिछानेले दोस्रो महत्वपूर्ण विकेट लिएका हुन् ।

यसअघि गुलशनले पहिलो सफलता दिलाएका थिए । गुलशनले १७ रनमा खेलिरहेका मोहम्मद अमिरको विकेट लिएका थिए । यस समाचार तयार पार्दासम्म टस जितेर ब्याटिङ रोजेको मलेसियाले ३४ ओभरमा २ विकेट गुमाएर १४१ रन बनाएको छ । त्रिवि क्रिकेट मैदानमा मलेसियाले टस जितेर ब्याटिङ गर्ने निर्णय लिएपछि नेपालले बलिङ गरेको हो ।

मलेसियाविरुद्धको खेलमा करण केसी, ज्ञानेन्द्र मल्ल र प्रतिश जीसीलाई बेन्चमा राखिएको छ । नेपालको प्लेइङ ११ मा कुशल भुर्तेल, आसिफ शेष, कुशल मल्ल, रोहित पौडेल, दिपेन्द्र ऐरी, सोमपाल कामी, आरिफ शेष, भिम सार्की, ललित राजवंशी, गुल्शन झा र सन्दीप लामिछाने छन् । मलेसियाको प्लेइङ ११ मा अहमद फाइज, वीरनदीप सि‌ह, सइद अजिज, विजय उन्नी, वाफिक इफ्रान, फित्री साम, अमिर अजिम, सेजरुल इजात, स्याहादाद राम्ली, रिजवान हैदर र खिजार हायत छन् ।