एसीसी प्रिमियर लिग : ओमानविरूद्ध कुशल मल्लले ३० बलमै बनाए अर्धशतक

काठमाडौं । एसीसी प्रिमियर लिग अन्तरगत ओमानविरुद्धको म्याचमा धर्मराएको नेपालको ब्याटिङलाई अर्धसतक बनाएर उकासेका छन् । ३० बल खेलका मल्लले ४ चौका र ५ छक्काको मद्दतमा रन बनाएका हुन् ।

यसअघि मलेसियासँगको खेलमा पनि मल्लले उत्कृष्ट ब्याटिङ गर्दै अर्धसतकीय पारी खेलेका थिए । मल्लको अर्धसतकसँगै नेपाल लयमा पनि फर्किएको छ। अहिले क्रिजमा मल्ल र आरिफ शेख छन् । २९.२ ओभरको खेल चलिरहँदा नेपालले ४ विकेटको क्षतिमा १३५ रन जोडेको छ।

वैशाख १८ गते सम्म संचालन हुने प्रतियोगिताका खेलहरु कीर्तिपुरस्थित टियु मैदान र मुलपानीमा रहेको क्रिकेट मैदानमा खेल संचालन हुनेछ । कुल २४ खेल हुने प्रतियोगिताको फाइनल खेल वैशाख १८ गते टियु मैदानमा आयोजना हुनेछ । यस प्रतियोगितामा १० राष्ट्रको सहभागीता रहेको छ । सहभागी १० राष्ट्रलाई दुई समूहमा विभाजन गरिएको छ ।