‘अहिले दिँदै आएका भत्ताहरु कटौती गरिहाल्छु भन्ने स्थिति छैन’ : अर्थमन्त्री महत

काठमाडौं । अर्थमन्त्री डा‍. प्रकाशशरण महतले अर्थतन्त्रको दीर्घकालीन सुधारका लागि राज्यबाट वितरण भइरहेका भत्ताहरु कटौतीको बारेमा छलफल भइरहेको बताएका छन् । शनिबार आर्थिक परिसंवाद कार्यक्रमलाई सम्बोधन गर्दै अर्थमन्त्री महतले भत्ता कटौतीको विषयमा छलफल भएता पनि अहिले नै कटौती गरिहाल्ने स्थिति भने नभएको बताएका हुन् ।

उनले भने, ‘अर्थतन्त्रमा असहज स्थिति छ । सोचेअनुसार राजश्व संकलन भइरहेको छैन । व्यापक खर्च कटौती गर्नुपर्ने देखिन्छ । तर, अहिले दिँदै आएका भत्ताहरु यहीँबाट कटौती गरिहाल्छु भन्ने स्थिति छैन । खर्च कटौती गर्न के के गर्न सकिन्छ भनेर अध्ययन भइरहेको छ ।’

अर्थतन्त्रलाई चलायमान गराएर अघि बढ्न सरकार प्रयासरत रहेको उनको भनाई थियो । अर्थतन्त्रमा समस्या देखिएपनि बाहिर हल्ला गरेजस्तो नेपालको अर्थतन्त्र गम्भीर संकटमा नभएको दावी समेत गरेका छन् ।