पाल्पाको जोरधारामा बस दुर्घटना : एक महिलाको मृत्यु, १८ जना घाइते

काठमाडाैं । पाल्पाको तिनाउ गाउँपालिका ५ स्थित जोरधारामा बस दुर्घटना हँदा एक महिलाको मृत्यु भएको छ भने १८ जना घाइते भएका छन् । आइतबार बिहान बुटवलबाट बाग्लुङ बुर्तिबाङ जाँदै गरेको लु१ख ५९५६ नम्बरको बस पाल्पाको जोरधारा नजिकै दुर्घटना भएको हो ।

बस भीरमा अड्किएको अवस्थामा रहेकोले अन्य यात्रुहरुको उद्धार भइरहेको जिप्रका पाल्पाका प्रहरी नायब उपरीक्षक वीरेन्द्र थापाले बताएका छन् । घाइतेहरूको अवस्था गम्भीर रहेको प्रहरीले जनाएको छ । जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले बस भीरमा अड्किएको अवस्थामा अन्य यात्रुको उद्धार भइरहेको छ ।

यात्रु कति थिए भन्ने यकिन भइनसकेको उनले बताए। तिनाउ गाउँपालिका वडा नं ५ का अध्यक्ष इन्द्रा चिदीले घटस्थलमा पुगिसकेको र घाइतेको उद्धार भइरहेका बताइन् ।