चितवनको नयाँकिरण कमलकुसुम केन्द्र तनावग्रस्त

काठमाडौं । चितवनको भोजाडस्थित नयाँकिरण मावि मतदान स्थलमा केहीबेर तनाव भएको छ । भरतपुर महानगरपालिका वडा नं. ११ भोजाडस्थित नयाँकिरण मावि मतदान स्थलमा रास्वपाका उम्मेदवार रवि लामिछानेसहित उनका कार्यकर्ताहरु नाराबाजी गर्दै प्रवेश गरेपछि गठनबन्धन र एमालेका नेता कार्यकर्ताले विरोध गरेसँगै तनाव भएको हो ।

लामिछाने मतदानस्थलमा आएलगत्तै उनका समर्थकहरुले लामिछानको पक्षमा नाराबाजी गरेका थिए । दुवैपक्षबीच भानाभनसहित झडप हुने अवस्था आएपछि प्रहरीले भिड नियन्त्रण गर्न लाठी प्रहार गरेको थियो । उनीहरुलाई हटाएर उक्त क्षेत्रमा पुनस् मतदान सुरु भएको छ । प्रहरीले लाठीचार्ज गरेपछि त्यसक्रममा भागाभाग भएको थियो ।

तनाव थप नबढोस् भनेर मतदान स्थल बाहिर नेपाली सेनाको टोली खटिएको छ । जटिल समस्या नभएकाले केही बेरमा नै मतदान सुरु हुने बताइएको छ । सो मतदान स्थलमा सुरक्षा घेरा बढाइएको छ । बाक्लो मात्रामा नेपाल प्रहरी, सशस्त्र प्रहरी, नेपाली सेना र सादा पोसाकमा प्रहरी परिचालन गरिएको छ ।