भूमिहीन, सुकुम्बासी, मुक्त कमैया तथा सहकारीका समस्या समाधान गर्छु : मन्त्री चौधरी

बर्दिया । भूमि व्यवस्था, सहकारी तथा गरीबी निवारण मन्त्री रञ्जिता श्रेष्ठ चौधरीले भूमि व्यवस्थापन आफ्नो पहिलो प्राथमिकतामा रहेको बताएका छन् ।

मन्त्री चौधरीले आइतबार बर्दियामा आयोजना गरेको साक्षात्कार कार्यक्रमा बोल्दै बर्दिया भूमिहीन, सुकुम्बासी, मुक्त कमैया रहेको जिल्ला भएको र आफू जुन पृष्ठभूमिबाट भूमि व्यवस्था, सहकारी तथा गरीबी निवारण मन्त्रालयमा पुगेको बताएका हुन्।

भूमि आयोगका अध्यक्षसँग छलफल भइरहेको भन्दै मन्त्री चौधरीले मन्त्रिपरिषद, संसद भवन जुन ठाँउमा बोल्नु परेपनि भूमि व्यवस्थापन गरेरै छाड्ने विश्वास दिलाएका छन्। पछिल्लो समय बर्दिया लगायतका देश भर देखिएको सहकारीको समस्यालाई पनि आफूले गम्भीर रुपमा लिएको र यस विषयलाई पनि महत्वपूर्ण रुपमा हेर्ने उनको भनाइ थियो ।

सोही कार्यक्रममा स्थानीयहरुले दिएको ज्ञापनपत्र बुझ्दै मन्त्री चौधरीले ज्ञापनपत्रमा उल्लेख भएका विषयहरुलाई गम्भीर रुपमा लिने समेत स्पष्ट पारे।