सरकारलाई राजेन्द्र लिङ्देनको प्रश्न : पूर्वलडाकुलाई पैसा बाँड्ने सरकारले महावीरको माग किन सुन्दैन ?

काठमाडौं । राष्ट्रिय आविष्कार केन्द्रका संस्थापक महावीर पुनको आन्दोलनलाई राप्रपाले ऐक्यबद्धता जनाएको छ । राप्रपा अध्यक्ष राजेन्द्र लिङ्देनले माइतीघर पुगेर पुनको आन्दोलनमा समर्थन जनाएका हुन् ।

अध्यक्ष लिङ्देनले यो व्यक्ति र क्षेत्रको कुरा नभएर अनुसन्धान, नवप्रवर्धन र आविष्कार प्रवर्द्धनको विषयमा सरकार गम्भीर बन्नुपर्ने बताएका छन् । उनले भने, उहाँहरूले उठाएको कुरामा सरकारले सम्बोधन गर्नुपर्छ । तर, उहाँ जस्तो मान्छे सडकमा आएर धर्ना बस्न बाध्य बनाएको छ । सरकारले माग पुरा नगरेसम्म हाम्रो साथ रहन्छ । यो कुनै तर्कबाट टाल्नुपर्ने होइन । पूर्व लडाकु र स्वास्थ्य उपचारको लागि करोडौँ पैसा बाँड्न सक्नेले आविष्कारको लागि किन खर्च गर्न सक्दैन’ उनले प्रश्न गरे ।

प्रधानमन्त्रीले आएर पुनसँग तत्काल सम्झौता गर्नुपर्ने बताए। संसदबाट कानुन बनाएर भए पुनको माग सम्बोधन गर्नुपर्ने उनको भनाइ छ । पुनको आन्दोलनलाई समर्थन गर्न डा। गोविन्द केसी लगायत पनि माइतीघर पुगेका छन् ।