‘टोपबहादुर रायमाझी बाटोमा हिँड्दा हिँड्दै समाउनुपर्ने मान्छे होइन’

काठमाडौं । नेकपा एमालेका अध्यक्ष केपी शर्मा ओलीले आफ्नो पार्टीका सचिव टोपबहादुर रायमाझी बाटोमा हिँड्दा हिँड्दै समाउनुपर्ने खालको व्यक्ति नभएको बताएका छन् । सिंहदरबारमा प्रधानमन्त्रीसँगको भेटपछि बाहिरिने क्रममा ओलीले नक्कली शरणार्थी प्रकरणमा तानिएको हो कि तनाएको भन्ने विषयमा अध्ययन गरिरहेको प्रतिक्रिया दिएका दिएका हुन् ।

उनले भने, ‘एउटा सांसद, पटक पटक मन्त्री भइसकेको, उपप्रधानमन्त्री भइसकेको व्यक्ति, षड्यन्त्रपूर्वक ढंगले बाटोमा हिँड्दाहिँड्दै समाउनुपर्ने खालको रहस्यपूर्ण छ ।’ ओलीले आफूहरू दोषी उम्काउने पक्षमा नरहेको बताएका छन् । निर्दोष पर्नुहुँदैन, दोषी उम्किनु हुँदैन । दोषी उम्काउने हाम्रो प्रयास हुँदैन ।’ ओलीले भने, ‘निर्दोष फसाउन खोजियो भने हामी सहँदैनौँ । ‘तानिएको हो कि तनाएको हो भनेर अध्ययन गर्दैछौं । अध्ययन गरेपछि हामी बोल्छौं ।’

ओलीले नेपाली नागरिकलाई भुटानी शरणार्थी बनाएर विदेश पठाएको घटनामा निर्दोष पर्न नहुने र दोषीलाई उम्काउन नहुने बताएका छन् । ओलीले पक्राउ पुर्जी जारी भएपछि आफूले रायमाझीसँग कुरा गरेर जानकारी लिएको बताएका छन् ।