केएमसि एप सार्वजनिक, अब एपबाट बालेनसँग एप्वाइन्टमेन्ट लिन सकिने

काठमाडौं । काठमाडौं महानगरपालिकाले केएमसि एप सार्वजनिक गरेको छ । सोमबार महानगरका मेयर साहले सेवाप्रवाह सुधारका लागि एकिकृत डिजिटल शुसासन प्रणाली केटीएम एप सार्वजनिक गरेका हुन् ।

उक्त एपबाट ३० भन्दा बढी प्रकार सिफारिसहरु अनलाइन राजस्व,नगर प्रमुखसँग भेटघाटका लागि अपोइन्टमेन्ट, च्याटबोट, महानगरको बारेमा बिभिन्न सूचना तथा समाचारहरू, विभागगत कार्य विवरणसहितको डिजिटल नागरिक वडापत्र,हेल्लो मेयर, जनगुनासो, स्मार्टकर, प्रकाशित राजपत्रहरू, पर्यटकीय स्थलहरू, आकस्मिक सेवाहरु जस्तै रगत, एम्बुलेन्स, दमकल तथा प्राकृतिक प्रकोप,सार्वजनिक शौचालयहरुको बारेमा सेवा लिन पाइनेछ ।

काठमाडौं महानगरपालिकाको सेवाप्रवाहलाई होम डेलिभरी गर्ने नीति अनुरुप सेवाप्रवाह सुधारका लागि एकिकृत डिजिटल शुसासन प्रणाली केएमसि एप लन्च गरेको मेयर साहले बताए । एपबाट महानगरका सेवाग्राहीहरूले अनलाइन मार्फत जुनसुकै ठाउबाट महानगरको सेवा लिन सकिने व्यवस्था रहेको छ ।