आरजुलाई तोसिमाको प्रश्न : अडियो काण्डमा अनुसन्धान माग गर्दा कसरी महिला हिंसा भयो ?

काठमाडौं । राष्ट्रिय स्वतन्त्र पार्टी रास्वपाकी सांसद डा. तोसिमा कार्कीले भ्रष्टाचारमा कहाँ लिङ्ग जोडिएको हुन्छ भन्दै प्रश्न गरेकी छन् । मंगलबार बसेको प्रतिनिधिसभाको शून्य समयलाई सम्बोधन गर्दै सांसद कार्कीले नेपाली कांग्रेसकी सांसद आरजु राणा देउवालाई इंकित गर्दै यस्तो बताएका हुन् ।

देउवालाई इंकित गर्दै उनले भनिन्, ‘एक महिला माननीय सांसदज्यूले भन्नुभयो टेप काण्डको अनुसन्धान माग गर्दा महिला विद्रोही भयो, महिला हिंसा भयो । मलाई उत्तर दिनुपर्यो, भ्रष्टाचारमा कहाँ लिङ्ग जोडिएको हुन्छ रु भ्रष्टाचारी मात्र होइन यहाँ चिनारी फेरिएर राष्ट्रघात भएको छ, अपराध भएको छ । कारबाही हुनुपर्छ ।’

यसअघि, नेपाली कांग्रेसकी सांसद डा. आरजु राणा देउवाले आइतबारको प्रतिनिधिसभा बैठकमा भ्रष्टाचारका विभिन्न विषयमा आफ्नो नाम जोडिएको तर आफूले कुनै गल्ती नगरेकाले नडराउने बताएकी थिइन् । यसपछि यस अडियो टेप काण्डको अनुसन्धान माग गर्दा आरजुले महिला हिंसा भएको गुनासो गरेकी थिइन ।

उनले भ्रष्टाचारमात्र नभएर चिनारी फेरेर राष्ट्रघात र अपराध भएको भन्दै कारबाही हुनुपर्ने बताइन् । सम्पूर्ण सांसदको सम्पत्ति वेबसाइटमार्फत सार्वजनिक गर्न माग पनि गरिन् ।