एकचोटी मात्र होइन हजार चोटि पनि नाङ्गिन तयार छु : अमरेश कुमार 

काठमाडौं । स्वतन्त्र सांसद अमरेश कुमार सिंहले आफु अझै पनि नाङ्गिन तयार रहेको बताएका छन् ।  आजको प्रतिनिधि सभाको बैठकमा सम्बोधन गर्ने क्रममा   सांसद  सिंहले आफु एकचोटी मात्र होइन हजार चोटि सम्म पनि नाङ्गिन तयार भएको  बताएका  हुन् ।

उनले भने, मेरो त्यो अर्धबस्त्र नेपाली जनताको गरिबी ,भोकमरी,नेपाली जनताको विदेश लखेटिने प्रवृत्ति हो । देशमा विद्यमान भ्रष्ट्राचार र तिनै भ्रष्ट्राचारीले राज गरिरहने प्रवृत्तिको विरुद्धमा हो  । यसका लागि म हजार चोटि नाङ्गिन तयार छु तर कुनै पनि गरिब जनताको छोराछोरीलाई अब नाङ्गिन दिने छैन  । भ्रष्ट्राचारी जोसुकै भए पनि तिनलाई कानुनी कारबाहीमा ल्याउनु  पर्ने उनको दाबी छ ।

साथै उनले आफु बेहोसमा नभई होसमै नाङ्गिएको पनि बताएका छन्  । उनले भने, कुनै एक जना मान्य ज्युले भनेको जस्तै मेरो स्वास्थ्यमा कुनै समस्या छैन र मा बिरामी पनि छैन  । उक्त दिनको संसद् बैठकमा उनी अर्धनग्न भयसँगै केही सांसदहरूले उनको कार्यप्रति आपत्ति जनाएका थिए भने नेकपा एमालेका सांसद रघुजी पन्तले उनको स्वास्थ्य जाँचको माग समेत गरेका थिए  ।