१४ प्रतिशतले बढ्यो चिकित्सकको परामर्श शुल्क

काठमाडौं । चिकित्सकको परामर्श सेवा शुल्क दुई वर्षपछि बढेको छ । नेपाल चिकित्सक सङघ र एशोसिएशन अफ प्राइभेट हेल्थ इन्स्टिच्युसन नेपाल अफिनले जेठ एक गतेदेखि लागू हुने गरी पहिलेको तुलनामा चिकित्सकको परामर्श शुल्क १४ प्रतिशत बढाएको हो ।

सङ्घका महासचिव डा सञ्जीव तिवारीका अनुसार चिकित्सकको नयाँ परामर्श शुल्क नौ सय ४० देखि चार सय २० सम्म तोकिएको छ । नयाँ शुल्कअनुसार पाँच वर्षसम्म अनुभव भएका एमविविए तथा बिडिएस तहका चिकित्सकको शुल्क चार सय २० र पाँच वर्षभन्दामाथि अनुभव भएकाको पाँच सय १५ तोकिएको हो ।

यस्तै अब पाँच वर्षसम्म अनुभव भएका डिप्लोमा तहका चिकित्सकको पाँच सय ९० र त्योभन्दा बढी छ भने छ सय ७० तथा पाँच वर्षसम्मको अनुभव भएका एमडी, एमएस, एमडिएस तहका चिकित्सकको सात सय ५० र पाँच वर्ष बढी अनुभव भएको आठ सय शुल्क तोकिएको छ ।